5 ஆம் வகுப்பு கணக்கு : பருவம் 3 அலகு 5 : பணம்
பணத்தில் பெருக்கலும் வகுத்தலும்
பள்ளி மாணவர்களுக்காக ஒரு புத்தக நிறுவனம் அகராதிகளின் மீது தள்ளுபடியை அறிவித்தது. தள்ளுபடிக்குப் பிறகு, ஒர் அகராதியின் விலை ₹ 425 ஆகும். இதனை 25 மாணவர்கள் பெற விரும்பினர். அவர்கள் அதனை வாங்க, எவ்வளவு பணம் தேவைப்படும்?
இதற்கு நாம், மாணவர்களின் எண்ணிக்கையும் அகராதியின் விலையையும் பெருக்க வேண்டும்.
ஒவ்வொரு அகராதியின் விலை = ₹ 425
ஆகவே, 25 அகராதிகளின் விலை = 25 × ₹ 425
= ₹ 10,625
ஒரு பன்னாட்டுப் போட்டியில், ஒரு பள்ளியின் 8 மாணவர்கள் பங்கேற்று, ₹ 5,000 ஐ ரொக்கப் பரிசாக வென்றனர். இந்தத் தொகையினை அவர்களுக்குள் பங்கிட்டுக்கொள்ள விரும்பினர். ஒவ்வொருவரும் எவ்வளவுப் பங்கினைப் பெறுவர்?
இதற்கு நாம், மொத்தத் தொகையினை மாணவர்களின் எண்ணிக்கையால் வகுக்க வேண்டும்.
₹ 5,000 ÷ 8 = ₹ 625
ஆகவே, ஒவ்வொருவரின் பங்கானது ₹ 625 ஆகும்.
ஒரு நாற்காலியின் விலை ₹ 520 ஆகும் எனில், 9 நாற்காலிகளின் விலை என்னவாக இருக்கும்?
ஒரு நாற்காலியின் விலை = ₹ 520
9 நாற்காலிகளின் விலை = ₹ 520 × 9
= ₹ 4680
இராணி என்பவர் ₹ 675.50 மதிப்பிலான ஒரு சேலையை வாங்குகிறார். அவர் அதுபோன்று 12 சேலைகளை வாங்க விரும்புகிறார். 12 சேலைகளின் விலை என்னவாக இருக்கும்?
ஒரு சேலையின் விலை = ₹ 675.50
∴ 12 சேலைகளின் விலை = ₹ 675.50 × 12
= ₹ 8106
(i) பைசாக்களைப் பெருக்கவும்
50 × 12 = 600 காசுகள்
பைசாக்களை ரூபாய்களாக மாற்றவும். 600 பைசாக்கள் = ₹ 6
(ii) ரூபாய்களைப் பெருக்கவும்
675 × 12 = ₹ 8100
இப்போது i மற்றும் ii ஐ கூட்டக் கிடைப்பது
= ₹ 8100 + ₹ 6
= ₹ 8106
₹ 65,295 ÷ 9 என்பதற்கான விடையைக் காண்க.
எனவே, ₹ 65295 ÷ 9 = ₹ 7,255
7 எழுதுகோல்களின் மொத்த விலை 105 எனில், ஓர் எழுதுகோலின் விலை என்ன?
7 எழுதுகோல்களின் விலை = ₹ 105
ஓர் எழுதுகோலின் விலை = ₹ 105 ÷ 7
= ₹ 15
ஆகவே, ஓர் எழுதுகோலின் விலை ₹ 15 ஆகும்.
1000 காசுகளை 5 மாணவர்களுக்கு சமமாக பங்கிட ஒவ்வொரு மாணவனும் எவ்வளவு ரூபாயினை பெறுவான்?
மொத்த காசுகள் = 1000 காசுகள்
மாணவர்களின் எண்ணிக்கை = 5
ஒரு மாணவனுக்கு கிடைத்த தொகை = 1000 ÷ 5
= 200 காசுகள்
= ரூ.2
₹ 10,000 இல் உள்ள ₹ 1, ₹ 2, ₹ 5, ₹ 10, ₹ 20, ₹ 50, ₹ 100, ₹ 200, ₹ 500 மற்றும் ₹ 2,000 என்ற மதிப்பு வகைப்பாடுகளின் எண்ணிக்கை எத்தனை எனக் காண்க.
